- 301 -

1375. Juli 7. Liegnitz.

Herzog Ruprecht verkauft im Namen seiner Brüder der Stadt für 300 Mark Prag. Groschen das jährlich von ihr an den Hof zu zahlende Münzgeld von 30 Mark.

Wir Ruprecht von gotes genaden herczoge yn Slezien vnd herre czu Legnicz bekennen vffenlich mit desem briue allen den, die en sehn adir horen lesen, daz wir mit gutem rate vnser eldesten vnd getrouwen von vnser selbes nucz vnd notdurft wegen, vnd vnser lieben bruder . . herczoge Wenczlaws, Bonczlaws vnd Heynrichs wegen, die von gots genaden ouch herczogen syn yn Slezien vnd mit vns erbherren czu Legnicz, geheysen haben vnd haben geboten vnsen getrouwen lieben borgermeyster vnd ratmannen vnser stat czu Legnicz, daz see vorkoufen mogen vnd sullen vnsers monczegeldis dryczik mark czu jerlichem czinse, czu eyme rechten vnd nemlichen wedirkoufe vmb dryhundirt mark Pragisscher grosschen Polnisscher czal, vnschedlich vns vnd vnsen nochkomlingen erbherren czu Lignicz an vnser losunge an den selben dryczik marken ierliches czinses, vmbe alzo vil geldes werunge vnd nucze, alze obgeschreben stet, vnd qwyten see der selben dryczik marke vnsers monczegeldes ierlich, von vnser selbes weyn vnd von vnserer obgenanten bruder weyn, alze lange, alze wir see nicht wedir abkoufen, vmbe alze vil geldes, alze vorgeschreben stet; mit orkunde dez kegenwortegen briues, den wir en mit guten wissen geheysen haben geben, vorsegelt mit vnseme grosen gemeynen anhangenden yngesegel. Daz ist gescheen czu Legnicz noch Cristi geburde vnsers herren dryczenhundirt jare yn deme vomf vnd sebenczegesten jare am sonobende vor sente Margarethe tage deme nehsten.

O. d. St. L. No. 145. Reste des Siegels an Pergamentstreifen. — Bitschens Privilegb. f. CXXXIIb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866